Журнал туралы

«SocioHumanitas» журналы 2026 жылдан бастап шығарылады. Журналдың құрылтайшысы және баспагері – І. Жансүгіров атындағы Жетісу университеті.

Журнал жылына 4 рет жарық көреді және келесі негізгі ғылыми бағыттар бойынша жарияланады:

• Әлеуметтік ғылымдар: әлеуметтану, әлеуметтік философия, экономика, саясаттану;
• Құқық және құқықтық зерттеулер: құқық теориясы мен практикасы, қоғамдағы құқықтық трансформациялар;
• Гуманитарлық зерттеулер: тарих, өнертану, дінтану, мәдениеттану;
• Әлеуметтік-мәдени үдерістер: бірегейлік, ұжымдық жады, құндылықтық және цифрлық трансформациялар;
• Филология, дискурстық зерттеулер және пәнаралық тәсілдер.

Бағыттар тізімі Ілияс Жансүгіров атындағы Жетісу университетінің Ғылыми кеңесімен бекітіледі.

Журналдың бекітілген мұқабасы мен титулдық беттері бар, онда жоғары оқу орнының атауы, нөмірдің шығу деректері, ISSN, редакциялық алқа құрамы, редакциялық саясат, жарияланым этикасы және веб-сайт көрсетілген.

Журналдың барлық мақалалары CrossRef дерекқорында тіркеледі және әр мақалаға DOI беріледі.

Редакциялық алқа құрамына Қазақстанның және шетелдің жетекші ғалымдары кіреді.

Журнал ғылыми ақпараттық басылым саясатын ұстанады. Барлық мақалалар журналдың сайтында толық мәтіндік ашық қолжетімділікте орналастырылады.

Журналдың мақсаты мен міндеттері

Мақсаты

Журналдың мақсаты – әлеуметтік-гуманитарлық ғылымдардың дамуына және қоғам мен адамды пәнаралық тұрғыда зерделеуге ықпал ету, әлеуметтік, мәдени, экономикалық және құқықтық үдерістерді зерттеуді қолдау, халықаралық ғылыми диалог алаңын құру және отандық әрі шетелдік зерттеушілердің идеяларын ілгерілету.

Міндеттері

• Әлеуметтік-гуманитарлық, экономикалық-құқықтық және пәнаралық зерттеулердің инновациялық бағыттарын қолдау және ілгерілету үшін қолайлы ақпараттық орта қалыптастыру; қоғамды, адамды, әлеуметтік және мәдени үдерістерді, экономикалық қызметті және тұрақты дамуды терең түсінуге ықпал ету.
• Әлеуметтік ғылымдар, құқық, экономика, тарих, өнертану, дінтану, филология, цифрлық және гуманитарлық пәндер саласындағы зерттеулердің өзекті нәтижелерімен ғылыми қауымдастықты таныстыру, пікірталас пен идея алмасуға ашық алаң құру.
• Ғылыми мақалалардың жарияланым мәдениеті мен рецензиялау сапасын арттыру, рецензиялау үдерісінің ашықтығы мен кәсібилігін қамтамасыз ету.
• Жарияланымдарға толық мәтіндік ашық қолжетімділікті қамтамасыз ету, ғылыми нәтижелердің ақпараттық қолжетімділігін, ашықтығын және халықаралық академиялық кеңістікте дәйексөзделуін арттыру.